沈船既文章?? 囡囡R錢籍口 Must read

我有個老友,三十幾歲人,係政府做,搵萬七八蚊一個月,個人老老實實既,我老友好慳家架,自己供左個細單位,平時衫都唔舍得買件靚D架,剩落唔少架(有三四十萬架),係香港無乜出過去玩,女又溝唔到(因為佢淨係鐘意D又後生又靚囉)...
早幾年比佢知北上呢條水,佢就迷上左北上呢家野,初初都係飲下酒,食下散餐,點知,有日,佢同我講,話早排係正骨場識個骨妹,身世不知幾咁可憐喎...我就問佢,條女係咪唔單止身世好可憐,仲幾靚同身材好好呵?...佢就話我心歪,話佢唔係出黎撈架,佢同條女係拍拖呀,咪講到人好似雞咁啦....佢又話條女同佢開鑊都無收佢錢...如是者,條女同佢講,話佢個個星期上黎搵佢,又要咁貴去租酒店開房,實在鄧佢肉痛,不如係附近租間屋仲化算,咁條友諗諗下又係喎...就係咁,就係上邊租埋間屋($2000),同條女住埋(其實即係比條女住)...最初,條女同佢講,每月比$4000佢交租同雜費,就得架啦,條友仔諗諗下,都唔貴呀,話條女真係唔係為錢喎...如果為錢,都唔會為咁少啦....
跟住住落,傢俬,電器,電腦,樣樣都話要,仲樣樣都要好既,電視要五六千D,電腦又要六七千D....大大小小加加埋埋,都洗佢四五皮水,好啦...以為洗完一筆可慢慢歎啦...點知,月中條女又話比人打劫,手機,家用(比家用),通通比人搶晒,又話連自己寄翻老家D錢都無埋,仲要生要死....咁,無計啦,唯有再比過佢啦,仲要趕住洗多幾千再買新手機過佢(唔係連人都搵唔到),大大話話又洗左成皮水,點知一波未平,一波又起,條女又話佢老豆跌親,入醫院要急5千上去老家做手術喎,咁...條仔就問我信唔信得過,我就話,橋就好舊架啦,睇你受唔受架,你受,無計架.....條仔就話,真係好中意條女,話條女一定唔會害佢,又話萬一佢講D野,有D係真既,咪誤會佢?...加上錢又唔係多,由佢啦,可能係真既呢?
如是者一年,不停地....比人打劫,屋企老爆,姊妹借錢唔還,老家親人病左,弟弟要去深圳讀書,轉工交按金(之前份工按金,比無良老細扣晒),自己病看醫生,要讀(電腦)進修課程,手機壞了要換,同姊妹合資做生意(買貨返老家賣).....等等等等....多到我都記唔到啦...大大話話又唔見十幾皮,條仔都唔晒架,為以上D野,都同條女嘈過,但條女又喊生喊死,又話愛佢,仲話條仔為錢罵佢,之前又話愛佢....條仔曾叫過條女唔好去做骨妹啦,雖然係賣力不賣身,但咁辛苦,又唔係搵得多(二仟零蚊)....但條女就話,"而家我都仲可以唔洗受你氣,我唔做,萬一你飛我,我餓死呀?....咪啦,你D人小小錢都睇唔過眼,點知你幾時又話我洗得你多,要走呀?..."
咁如是者又過一年,條仔同條女話,係深圳住埋並非長久之計,不如結婚啦,條女就話,結婚?....我剛出來打了幾年工,家裡還要等我關照的,老爸又老又病,弟妹又小,老屋又破.....條女又話,"我咁愛你,梗係無問題啦,但始終你都要跟我回回老家,見見我的家人,親自和他們相量下呀..."就係咁,佢條仔就同條女,翻去四川佢老家一敞啦,呢次旅程,條仔好似相睇咁,差唔多拜候晒佢D親友,當然啦,堂堂香港人到訪,送禮呀,飲飲食食呀,就一定架啦,最慘,條仔唔單止同情條女,直情連條女親人同間爛屋都同情埋...話見到條女D親人成家人縮係間爛屋住,個心好難過喎...(但條仔個老母,都好似縮係間爛公屋道住,又唔見佢話好難過呀?)...如是者,加上條女推波助欄,又話乜野愛我就要愛埋我屋企人,你可以成為我地屋企人既大恩人,大救星,我全屋企都永遠唔會忘記你架.....就係咁,佢就係四川買埋間屋比條女屋企人,仲要寫埋條女屋企人名,因條女話外省屋並不是商品房,不能賣比外來人,所以屋名一定要寫條女屋企人名....加上外省屋,銀行並無按揭提供,要一炮過比十幾廿萬,而且連埋傢俬,電器,電視,樣樣都又話要,加上成個月係當地洗費等等...大大話話又唔見幾皮.....
至此,條仔所有績畜都早已泡湯啦,仲要按大自己層樓借多幾十個添....
眼見,本來自己月中包埋條女洗費,個個禮拜上去條女度又要放低多少錢,又要買下比條女,同佢食下玩下,加上自己香港又要洗,已係好唔夠使,依家仲話要還樓按,唯有同銀行借下大D,借下大D,借到周身card數,用以維持上便同自己開支啦,攪攪下,又幾十萬出黎,真係淨比息都比唔掂,日子有功,無計可施下,走去借財仔,貴利頂數,最後唯有被逼破產,條友做政府,破產驚動埋老總,被迫自動離職,而層樓都比銀行清埋盤.....
佢失意之下走返大陸條女道,住左一個月,乜人都唔見,條女初時問佢,點解唔使返工?..條友仔最初話放大假,後來最後D錢都使埋,唯有坦白同條女講,但條女話,唔係嘛,破產,呢幾年搵幾多都要扣起還錢?...咁我點呀?...你唔好旨意我養你呀,你係D咩香港人黎架...你返落香港諗下辨法先啦,暫時唔好返上黎啦,我照顧唔到你咁多架啦...如是者,條友仔唯有返落香港,租左間板間房,住落先...間中條友仔打電話比條女,但條女後來連電話都改埋,上去搵佢,連屋都退埋租,所有家當連按金都搬走埋...
至此..條友仔一個人企係大陸以前間屋前,,終於醒啦...一路喊,一路打電話比小弟,話都係我之前講得,依家後悔已太遲了....

排長龍水上樂園

建議: 要自由行，出發之前查下開門時間(如係中旅買定飛，票上有寫理排既開放時間)，一開門至11點前都會較少人，而且locker唔洗排，即有;池水經過一夜既過濾，乾淨;依家大喇叭及夏威夷池係10點15分開，一開始去排，包你可以玩到兩轉。

咪以為閒日去會少人，一到11點場入就會開始人多，到12點幾1點，簡直可以用人山人海黎形容。

大陸人欺善怕惡，打尖大聲鬧佢地，識講普通話最好，唔識要學定如「要排隊、插甚麼隊阿你」普通話黎傍身，仲要練習定講得惡死粗魯，斯文細聲對佢地理班厚面皮人黎講係冇用架。

祝大家有一愉快旅程!!
租ｌｏｃｋｅｒ要排長龍，　更衣好細好逼．　

經過一番拚鬥，　換好泳裝出去約十一點多，　ｏｈ　ｍｙ　ｇｏｄ！　人造浪池　＝　人浪池，　人多到只可浸下水

即刻走去排大喇叭，人山人海，不停有人打尖，又有人食煙，排左三個鐘，　玩左只有三十秒．

眼見其他起碼都要排一個鐘，園內又有穿著非泳裝人仕不停穿梭，加埋地上十分污糟．最後頂唔順三點左右走左．

總括長隆水上樂園問題：　無合理控制入場人數，　管理十分差．　不值得去，　希望我的不愉快經歷可以幫大家省回寶貴的金錢同時間

星期日去左預左多人但係真係冇諗到咁差

-locke得好小而且好r細
-更衣室好細仲有好臭
-人造浪池係根本冇得行 d人一個2個拎住個水泡
-個個遊戲大排長龍 勁亂
-dirty (人造浪池d水濁到爆)

最尾我1個game都冇玩
只係係人造浪池浸下水+係個個類似城堡個個野到玩下